Kamfanin NNPC Retail ya sanar da fara bayar da rangwamen N66 kan kowace lita ta man fetur ga abokan cinikinsa a gidajen mai na NNPC a fadin Najeriya.
Kamfanin ya ce rangwamen wani bangare ne na bikin cikar Najeriya shekaru 66 da samun ‘yancin kai, kuma za a ci gaba da bayar da shi daga ranar 1 zuwa 7 ga watan Oktoban 2026.
Read also: Tambuwal ya Amince ya Baiwa Majalisa da Sashin Shari’a yancinsu
Sai dai NNPC ta bayyana cewa domin cin gajiyar rangwamen, dole ne mai sayen man ya yi amfani da manhajar NNPC Fuel App wajen biyan kudin man a gidajen man da ke cikin shirin.
Ma’ana, idan aka sayi lita 10 na fetur, rangwamen zai kai N660, yayin da lita 20 za ta samu rangwamen N1,320.
Read also: Yanzu-yanzu: Kotun Koli Ta Tabbatarwa Ahmad Lawan Takarar Yobe Ta Arewa
NNPC ta kuma bukaci masu ababen hawa da sauran kwastomominta su ci gaba da amfani da manhajar a tsawon lokacin rangwamen domin cin gajiyar shirin.
Read also: Mutane 2 sun Mutu A Cikin Tankar Dizal A Kano
Bayan haka, rahotanni sun nuna cewa NNPC ta kuma rage farashin man fetur a wasu garuruwa, inda farashin ya sauka daga N1,395 zuwa N1,370 kan kowace lita a Abuja da kewaye, yayin da a wasu gidajen mai a Legas aka samu farashin N1,360.
NNPC ta ce rangwamen N66 zai kare ne a ranar 7 ga Oktoba 2026.
