Gwamnan Kano, Abba Kabir Yusuf, ya ce hukumomi sun kama sama da mutane 380 tare da samun hukuncin kotu kan fiye da 230 cikin watanni biyu da fara tsauraran matakan yaƙi da safarar miyagun ƙwayoyi a jihar.
Gwamnan ya bayyana hakan ne a ranar Alhamis yayin bikin cika shekaru 66 da samun ’yancin kan Najeriya da aka gudanar a filin wasa na Sani Abacha da ke Kano.
Read also: Ambaliyar Maiduguri: A hukumance NEMA ta fitar da adadin mutanen da suka rasu
Hakan na ɗauke ne cikin wata sanarwa da mai magana da yawun gwamnan, Sanusi Bature Dawakin Tofa ya fitar.
Ya ce gwamnatin jihar ta kafa kwamitin kar ta kwana na yaƙi da shaye-shaye da dabanci a watan Yulin 2026, tare da fitar da dokar zartarwa domin ƙarfafa yaƙi da miyagun ƙwayoyi, daba da sauran laifukan da ke da alaƙa da aikata laifi.
Read also: Da dumi-dumi: Jam’iyyar Labour ta kori kakakin ta na ƙasa
A cewar gwamnan, rundunar ta kuma tarwatsa wuraren sayar da miyagun ƙwayoyi da maboyar masu aikata laifuka a sassa daban-daban na jihar.
Gwamna Yusuf ya ce yaƙi da shaye-shayen miyagun ƙwayoyi da aikata laifuka nauyi ne da ya rataya a wuyan gwamnati, jami’an tsaro, sarakunan gargajiya, malamai, iyaye da sauran al’umma.
Read also: Atiku Abubakar ya yi ganawar sirri da Obasanjo
Ya kuma yi kira ga matasa da su guji miyagun ƙwayoyi, tashin hankali da aikata laifuka, su rungumi ilimi, noma, fasaha, sana’o’i da masana’antun kere-kere.
