Hukumar zaɓen Najeriya INEC ta fitar da jerin sunayen mutanen da zasu yiwa jam’iyyu takarar gwamna a jihohi 28 na ƙasar da zasu shiga babban zaɓe na shekarar 2027.
Sai dai rashin ganin sunayen wasu daga cikin jiga-jigan ƴan siyasa a wasu jihohi ta haifar da muhawara, inda wasu ke alaƙanta hakan da kuskure daga INEC, yayin da wasu ke cewa hukuncin da kotu ta yi na baya-bayan nan ne ya shafi wasu.
A jihar Kano dai, ba a ga sunan Kwamred Aminu Abdulsalam Gwarzo ba, wanda shi ne mai yiwa jam’iyyar adawa ta NDC takarar gwamna, yayin da acan Gombe aka nemi sunan tsohon ministan sadarwar ƙasar Malam Isa Pantami na PDP aka rasa cikin jerin ƴan takarar gwamna a jihar.
Kodayake tuni wasu jam’iyyu suka fara fitar wa sanarwar kwantarwa da magoya bayansu hankali, inda suka ce zasu bibiyi lamarin don gano musabbabin rashin ganin sunayensu.
Ko a jihar Kano ma , shugaban NDC na jihar Hussaini Isa Mai Riga ya ce tuni wakilan jam’iyyar NDC suka ofishin hukumar zabe ta Kasa dake Abuja domin tabbatar da sun gyara kuskuren da suka yi.
”Mu a saninmu Com. Aminu Abdussalam Gwarzo da Mustapha Rabi’u Musa Kwankwaso mu ka sani a matsayin yan takararmu, Kuma jam’iyyar NDC na iya kin kokarinta don ganin an dawo da sunan yan takarar”. a cewar mairiga
Ya kuma bukaci magoya bayan jam’iyyar NDC na jihar Kano da su kwantar da hankulansu domin komai zai daidaita nan ba da jimawa ba.
Read also: Wata Kungiya ta Musanta Zargin Yiwa Tattalin Arziki Zagon Kasa a Kano Free Trade Zone
Read also: Fadan daba ya sa an hade Sallar Magariba da Isha’i a wata unguwa Kano
Read also: Mun kawo takin zamani na 4tree fertilize don saukakawa manoma da rage tsadar abinchi a Nigeria
A ƴan kwanakin da suka gabata ne, kotun ƙoli a Najeriya ta yanke wani hukunci game da lokacin da ya kamata jam’iyyu su miƙa wa INEC sunayen ƴan takarar su, wanda ake ganin zai shafi wasu masu takara musamman waɗanda suka sauya sheƙa zuwa wata jam’iyyar bayan rashin nasarar a zaɓen cikin gida na jam’iyyun da suke tun farko.
