Yanzu-yanzu: Yan sanda sun bayyana sharudda ga masu son shiga zanga-zanga a Nigeria

Date:

Daga Aliyu Danbala Gwarzo

 

Sufeto Janar na ‘yan sandan Nigeria Kayode Egbetokun, ya bukaci dukkanin kungiyoyin da ke shirin shiga zanga-zangar da za a yi a fadin kasar nan da su mika bayanansu ga kwamishinonin ‘yan sanda a jihohinsu.

Ya bayyana haka ne a lokacin da yake zantawa da manema labarai a Abuja ranar Juma’a.

Ya ce an yi hakan ne domin tabbatar da cewa an gudanar da zanga-zangar cikin lumana.

Talla
Talla

Egbetokun ya ce, “Mun amince da ‘yancin da kundin tsarin mulkin Najeriya bai wa yan kasa na yin zanga-zangar lumana.

“Duk da haka, domin kare lafiyar jama’a da tabbatar da zaman lafiya, muna kira ga dukkan kungiyoyin da ke shirin gudanar da zanga-zangar da su yi wa Kwamishinan ‘yan sanda cikakken bayani akan su a jihar da ake son gudanar da zanga-zangar.

Rundunar yan Sandan Nigeria ta gano masu shirya zanga-zanga irin ta Kenya a ƙasar

“Domin ganin an gudanar da ba cikin nasara muna fatan masu shirin yin zanga-zangar su za su ba da bayanans kamar haka: jihar da za a yi zanga-zangar, hanyoyin da za a gudanar da zanga-zangar; tsawon lokacin da ake san za a yi zanga-zangar, ran gudanar da zanga-zangar; da sunaye da bayanan shugabannin zanga-zangar da masu shirya zanga-zangar.”

IG ya kara da cewa bayanan da ake sa ran daga masu shirya zanga-zangar sun kuma hada da matakan za a dauka don hana satar aikata laifuka yayin zanga-zangar, da dai sauransu.

Ya kara da cewa ta hanyar bayar da bayanan, ‘yan sanda za su iya tura isassun ma’aikata da kayan aiki domin tabbatar da tsaron lafiyar jama’a.

Ya kuma ce akwai bukatar ‘yan sanda su san takamaiman hanyoyi da wuraren da za a gudanar da zanga-zangar domin kaucewa rikici da wasu al’amura da ka iya tasowa.

Talla

Egbetokun ya ce sauran ka’idojin sun hada da, “samar da hanyoyin sadarwa ta shugabannin zanga-zangar don magance duk wata damuwa ko matsalolin da ka iya tasowa .

“Muna kira ga duk masu zanga-zangar da su ba ‘yan sanda hadin kai, ta hanyar bin doka, don tabbatar da samun nasarar gudanar da ‘yancinsu.”

LEAVE A REPLY

Please enter your comment!
Please enter your name here

Share post:

Subscribe

Mafi Shahara

Karin Wasu Labaran
Related

Ku zama nagari masu juriya don cimma burikanku – Waiya ya fadawa Matasan Kano

Daga Maryam Muhammad Ibrahim   Kwamishinan yada labarai da harkokin cikin...

Dambarwar Rivers: AIG Gumel ya gamu da fushin Sufeto Janar na yan sandan Nigeria

Daga Isa Ahmad Getso   Babban Sufeton ‘yan sandan Nigeria, Kayode...

Guda cikin Hadiman Tinubu ya ajiye mukaminsa

Dr. Hakeem Baba-Ahmed, mai ba Shugaba Bola Ahmed Tinubu...

Gwamnan Kano ya bayyana dalilin da yasa ya sake dawo da Sarkin Gaya

Daga Hafsat Lawan Sheka Gwamnan jihar Kano Alhaji Abba Kabir...