Daga Abubakar Lawan Bichi
Shugaban karamar hukumar Bichi, Ferfesa Yusuf Mohammed Sabo ya cewa gwamnatin jihar Kano ta amincewa Karamar hukumar ta fara aikin zuma rigarkafin chlorine a rijiyoyi kusan 3000 a mazabu 11 na karamar hukumar .
Shugaban karamar hukumar, wanda Likitane kuma Farfesa ne na fannin kananan halittu da kwayoyin cuta, ya ce za a gudanar da aikin ne da nufin hana yaduwar cututtuka masu yaduwa a cikin al’umma, a lokacin damina sakamakon yadda duk wata budaddiyar rijiya ke zama tushen ruwan sha a cikin al’umma.
Ya bayyana cewa za a sanyawa daukacin rijiyoyin dake karamar hukumar Bichi sinadarin chlorine a kokarin da ake na yaki da cututtuka masu yaduwa ta ruwa musamman kwalara.
Ferfesa Sabo ya ce za a gudanar da aikin ne a daukacin mazabu 11 tare da hadin kan sarakuna, shugabannin addini da na siyasa, matasa da kuma kungiyoyin mata.
Cikakken bayanin yadda Kotun daukaka kara ta yi watsi da karar Abba Kabir Yusuf
Shugaban ya kuma yi kira ga masu ruwa da tsaki a karamar hukumar Bichi da su bada goyon baya a aikin da ke da nufin inganta lafiya da rayuwar al’ummar yankin baki daya.
