An samu ɓarkewar rikici a ƙaramar hukumar Bichi ta jihar Kano, bayan da wasu gungun mutane ɗauke da makamai suka kai hari kan ayarin yaƙin neman zaɓen ɗan takarar mataimakin shugaban ƙasa na jam’iyyar NDC, Sanata Rabi’u Musa Kwankwaso, da ɗan takarar gwamnan jihar Kano a jam’iyyar, Kwamared Aminu Abdussalam Gwarzo.

Harin ya faru ne a yayin da tawagar ke ci gaba da rangadin neman goyon bayan al’umma, bayan kammala tarukan gangami a ƙananan hukumomin Tofa, Rimin Gado, Kabo, Gwarzo, Shanono da Bagwai.
Read also: Da dumi-dumi: Kotun koli ka iya yanke hukuncin shari’ar zaɓen Kano da Legas ranar Juma’a
Da yake tabbatar da faruwar lamarin, mai magana da yawun ɗan takarar gwamnan na NDC, Kwamared Ibrahim Garba Shu’aibu, ya bayyana cewa tun kafin tawagar ta isa Bichi, sun fara samun bayanan sirri cewa an tare wasu hanyoyi da nufin hana su gudanar da gangamin siyasa.
Read also: Shugaba Buhari zai yiwa yan Nigeria jawabin bankwana
A cewarsa, bayan isarsu garin Bichi, sun tarar da alamun tashin hankali da jefe-jefe, inda jim kaɗan bayan sun wuce sakatariyar ƙaramar hukumar ne wasu gungun matasa ɗauke da makamai suka far musu.
Read also: Yanzu-Yanzu: INEC ta dawo da sunan Pantami da Gwarzo cikin ƴan takarar gwamna

Kwamared Shu’aibu ya ƙara da cewa harin ya jikkata wasu daga cikin magoya bayansu tare da lalata motoci, inda ya bayyana cewa ya ga motoci kusan bakwai da aka farfasa a wurin da lamarin ya faru.