Daga Abdulmajid Habib Tukuntawa
” Babu shakka mun sami cigaba sosai idan aka kwatanta da shekarar data gabata, Inda muka yaye dalibai 350 amma a bana sun yaye dalibai 650 babu shakka dole mu godewa Allah”. Inji baba yawale
Yace sun koyawa mata da marayun sana’o’i kala-kala sannan kuma suka nemar musu rancan kudin da zasu yi jari da su daga hukumar NISAL, Inda zasu biya bashi mara ruwan cikin shekaru uku, kuma sai sun yi shekara daya suna juya kudin kafin su fara biyan kudin.
” Wasu daga cikinsu zasu sami tallafin Naira Miliyan daya wasu dubu dari bakwai wasu kuma dubu dari uku duk dan sun rika gudanar da rayuwarsu cikin nutsuwa ba tare da sun rokin kowa komai ba”. A cewar shugaban kungiyar
A jawabinsa mataimakin gwamnan jihar kano Dr. Nasiru Yusuf Gawuna Wanda Babban mataimaki na musamman akan harkokin kungiyoyi masu zaman Kansu a ofishin mataimakin gwamna Alhaji Abubakar Ya’u Indabawa ya yabawa kungiyar ta Orphans and women support initiative bisa gudanar da wannan gagarumin aikin.
Have kamata yayi kungiyoyi su yi koyi da irin wannan abun alkhairi da kungiyar ta gudanar Wanda zai iya zama sanadin shigar shugabanninta aljannah kuma sun tallafawa kokarin gwamnatin jihar kano na magance zaman banza a tsakanin matasa.
” Gwamnatin nan ta fito da hanyoyi daban-daban don koyar da matasa sana’o’in hannu don su dogara da kawunansu, saboda a yanzu gwamnati bazata iya baiwa kowanne matashi aikin gwamnati ba, don haka dole matasa su nemi sana’o’i don su dogara da kawunansu “. Inji Gawuna
Mataimakin gwamnan na kano ya bukaci wadanda suka ci gajiyar shirin da su dage wajen yin amfani da abun da aka koya musu da kuma jarin da aka basu don su inganta rayuwarsu da ta yan uwansu baki daya.
