Jami’an tsaro a jihar Anambra sun gano “kaburbura sama da 30 ” a wani otel da ke Oba, karamar hukumar Idemili ta kudu a jihar.
Jaridar Punch ta rawaito cewa rahotanni sun baiyana cewa jami’an tsaro sun gano kaburburan ne a karshen mako bayan samun rahoto daga wani mazaunin yankin.
Ginin, wanda ke kan hanyar Onitsha-Owerri, an yi masa rijista da suna Udoka Golden Point Hotel and Suites, amma ya fi shahara da suna La Cruise Hotel.
Wani sakon da aka wallafa a shafin gwamnatin jihar Anambra a X ya ce “otel din yana da kaburbura sama da 30, a bene na karshe tare da wuri na bauta”.
Gwamnan Kano ya nada mai ba shi shawara na musamman kan harkokin yada labarai
Onyeka Ibezim, mataimakin gwamna a jihar Anambra, ya jagoranci jami’an tsaro wajen rusa ginin a ranar Asabar.
Da ya ke magana da ƴan jarida bayan sintirin, Ibezim ya ce babu gurbi ga aikata laifi a wannan jihar ta kudu maso gabas.
