Majalisar Dokokin Jihar Kano ta ce za ta gudanar da bincike kan wani abu da ake zargin ɗan majalisa mai wakiltar karamar hukumar Nasarawa, Engr. Bello Aliyu, ya wallafa a kafafen sada zumunta, wanda ake zargin ya ƙunshi cin mutuncin majalisar da matsayin da yake riƙe da shi.
Matakin ya biyo bayan wani kudiri na gaggawa da ɗan majalisa mai wakiltar karamar hukumar Minjibir, Alhaji Abdulhamid A. Minjibir, ya gabatar a zauren majalisar yayin zaman majalisar na wannan rana.
A A Minjibir ya buƙaci a ɗauki matakan da suka dace domin hana sake faruwar irin wannan lamari a nan gaba.
daga cikin ’yan majalisar da suka goyi bayan ɗaukar matakin akwai Mai Tsawatarwa na majalisar, Hon. Mudassir Zawaciki, da Shugaban Marasa Rinjaye, Usman Tasi’u Abubakar Kiru.
Sauran sun haɗa da ɗan majalisa mai wakiltar Takai, Dr. Musa Ali Kacako, da takwaransa na Madobi, Sulaiman Muktar Ishaq.
A ƙarshe, majalisar ta umarci Kwamitin Ladabtarwa da ya gudanar da cikakken bincike kan lamarin cikin gaskiya da adalci, tare da miƙa rahotonsa ga majalisar kafin ko a ranar Laraba, 21 ga Oktoba, 2026.
Read also: Yan bindiga sun sace matar kwamandan Civil Defence a Jihar Nasarawa
Read also: Gayyatar da mu kaiwa Abduljabbar Bata da alaka da Mukabala-DSP Kiyawa
Read also: Ku dakatar da ni idan kun Isa – Wike ya fada wa PDP
