Daga Nasiru Waziri
An kaddamar da wata kungiyar matasan Arewa masu goyon bayan Tinubu, wacce aka saka mata sunan Tinubu Northern Youth Forum wacce za ta rika kare muradun shugaban kasa Bola Ahmed Tinubu a arewacin Najeriya.
An dai gudanar da taron ne yau talata a helkwatar Jam’iyyar APC ta kasa dake Abuja.
Lokacin da yake zantawa da manema labarai Shugaban kungiyar, Alhaji Auwal Ibrahim, ya bayyana cewa za su hada kai da Tinubu domin kawo manya aiyuka a arewacin Nigeria.
Wannan ci gaban dai ya zo ne a daidai lokacin da shugaba Tinubu ke fuskantar adawa daga bangarori daban-daban.
“Babban makasudin Samar da Kungiyar shi ne domin ta wayar da kan al’umma arewacin Nigeria domin su fahimci manufofi da tsare-tsaren Shugaba Tinubu ya ciyar da Nigeria gaba”.
Hukumar hana cin hanci ta Kano ta kama wani Hadimin Gwamnan Kano
Ya ce suna fatan Wannan kungiya za ta kara samar da magoya baya ga shugaban kasa Bola Ahmad Tinubu domin ya sami nasara a arewacin Nigeria.
Yayin da kaddamar da kungiyar ta Tinubu Northern Youth Forum mutane da yawa sun nuna sha’awar shiga kungiyar, saboda yadda suka fahimci za ta samarwa shugaban kasa goyon bayan al’ummar Arewacin Nigeria ta fannoni daban-daban.
Ya kamata a lura da cewa kungiyoyi irin su Progressive Northern Youth Forum (PNYF), sun riga sun nuna goyon bayansu ga manufofin Shugaba Tinubu, ciki har da Dokar Gyara Haraji ¹. Kungiyar ta PNYF ta yaba wa shugaban kasar bisa jajircewarsa kan kudirin da ya ke da shi na daidaita tsarin tafiyar da haraji a Najeriya domin su yi daidai da yadd sauran kasashen duniya suke yi.
Yayin da kungiyar matasan Arewa ta Tinubu ta fara gudanar da ayyukanta, za a ji dadin yadda za ta tafiyar da aikinta a fagen siyasar arewacin Najeriya da kokarin ganin an Shugaban kasa Bola Tinubu ya cimma manufofinsa da kare muradunsa a yankin.
