Daga Kamal Yakubu Ali
Gidauniyar Bashariyya foundation dake unguwar ‘yan tandu a karamar hukumar Dala ta tallafawa marayu da kayan abinchi da kayan sallah domin rage musu radadin halin maraici da suka tsinci kansu a ciki.
Shugaban kungiyar malam Bashir Aliyu yace suna gudanar da da rabon kayayyakin tallafin ne kimanin Shekaru hudu da suka gabata, domin tallafawa marayun dake unguwanni Adakawa ‘yan tandu domin ganin sun gudanar da Azumi da bukukuwan sallah cikin farin ciki da kwanciyar hankali.
Kimanin marayu 55 suka Amfana da tallafin kayan sallah , Sabulun wanka da kuma kayan Abinchi wanda gidauniyar ta raba musu domin rage musu radadi da kuma ganin ta taimakawa wadanda iyayen su suka rasu.
Ƙasar Ingila za ta dakatar da daukar ma’aikatan kiwon lafiya daga Najeriya
Malam Bashir Abubakar yace tallafawa marayu yana daga cikin ayyukan da Allah yake farin ciki . dashi hakanne yasa kungiyar take zage damtse wajan ganin ta gudanarda Rabon kayayyakin ga Marayun dake yankin.
Goman ƙarshe: Ya kamata matasa ku kashe Datar wayoyin ku, ku daina kallon TV – Dr. Ali Tamasi
Wasu daga cikin Marayun da. Suka amfana da tallafin Aisha sabiu da Jibrin Yahya sun bayyan farin cikinsu dan gane da tallafin da aka basu
Wakilinmu Kamal Yakubu Ali ya bamu labarin cewa Taron ya gudana a farfajiyar makarantar dake unguwar yan tandu dake yankin karamar hukumar Dala.
Taron ya samu halarta iyayen. Marayu da kuma manayan unguwa da limamin masallacin Adakawa malam Nura Tahir da sauran alumma da dama. Da kuma Alhaji labaran sani Adakawa da kima Mai unguwar Adakawa.
