Daga Kamal Yakubu Ali
Gwamnan jihar Kano Dr Abdullahi Umar Ganduje ya mayar da zazzafan martani ga tsagin su Malam Ibrahim Shekarau biyo bayan hukuncin da Kotun ɗaukaka ƙara ta yanke akan rushe hukuncin da wata kotu a Abuja tayi na rushe Shugabancin APC a matakin mazaɓu da ƙananan hukumomi ɓangaren Ganduje.
Kadaura24 ta rawaito cewa bayan hukuncin da kotu ta yanke a safiyar wannan rana, gwamna Ganduje yace Banza 7 sun faɗi wan-war akan rashin bin ka’idojin jam’iyya da kuma amincewa da jagorancin sa.
” Yan banza 7 abun da sukai Kamar Suka dusa ne da damuna ko kuma ginin da aka yi fandushonsa da toka Kuma ace za a dora Masa ginin bulo”inji Ganduje
Ganduje Wanda yayi Magana Cikin Wani faifen video da yake Jawabi ga Wasu Yan Majalisu da Sauran mukarraban Gwamnatin Jihar Kano ya godewa Shugaban Rika na Jam’iyyar APC Mai Mala Buni bisa kokarin Ganin ya sulhun su day yan G7.
Ganduje ya Kuma yabawa dukkanin yan Jam’iyyar APC na Kano da matasa maza da Mata bisa goyon bayan da Suke baiwa Gwamnati da APC a Jihar Kano.
