Daga Khadija Sanusi Gwadabe
Shugaban Karamar hukumar ungoggo Engr. Abdullahi Garba Ramat ya ajiye aikin sa Inda ya mika ragamar tafiyar da karamar hukumar ga Mataimakinsa.
Ramat ya shugabanci karamar hukumar ungoggo tun daga shekara ta 2021 zuwa jiya litinin da ya ajiye aikin.
Tsadar Abinchi: Abubuwa 3 da Gwamnan Kano Ya Fadawa Yan Kasuwa Yayin Ganawar sa Da Su
“Alhamdullah, a yau na Mika ragamar tafiyar da karamar hukumar ungoggo ga mataimakina . Na yi iya kokarina na, ta hanyar samar da daruruwan aiyukan raya kasa, na kuma sami lambobin yabo da dama daga ciki har da Gwarzon shugaban karamar hukumar wanda majalisar dokokin jihar kano ta bani. Mu Mun Matsa…💪🏻” Ramat ya rubuta a shafinsa na Facebook
Ali Nuhu Ya Ziyarci Sarkin Kano, A Karon Farko
Ramat wanda ya ajiye aikin nasa cikin wani dan kwarya-kwaryar biki, inda ya bada jari ga mata 500 jari tare kuma da kaddamar da Hatimin karamar hukumar, wanda za a rika amfani da shi a duk wani abu da ya shafi mulkin karamar hukumar.
Tsohon shugaban karamar hukumar ya ajiye aikin ne kwanaki Kadan kafin karewar wa’adin mulkinsu na tsahon Shekaru 3.
