Daga Fatima Kabir Labaran
Shugaban majalisar malaman jihar kano Mal Ibrahim Khalil ya bayyana cewa ya halatta mutum ya yi zakkar fidda Kai da nau’in Abinchi kamar su taliya ko Kuskus ko Kuma Indomie ma .
” Ana yin zakka fidda kai ne da abun da za’a iya ci ranar Sallah, don haka ya halatta a bada ita da wadancan kayan Abinchi, ba ku rika baiwa mutane dawa ko gero ba, domin babu wanda zai ci dawa ko gero a ranar Sallah”.
Malam Ibrahim Khalil ya bayyana hakan ne cikin wata tattauna da yayi ta wayar tangaraho da gidan Radio express dake kano.
Yace a baya ana bada gero da dawa ne lokacin zakkar fidda Kai saboda Malam bahaushe a wancan lokacin bashi da shinkafa taliya kuskus da makaroni, yace ko ma akwai su to ba kowa ne zai iya siya ba, amma Yanzu dukkanin su sun ma fi saukin sarrafawa .
” Hikimar zakkar ita ce don a samawa talaka abun da zai ci a ranar Sallah don haka duk abun da aka bayan a cikin wadanda abinchin yayi, kuma za’a iya bada kudi ma Kuma wannan ma shi yafi saboda wanda aka baiwa zai iya siyan abun da yake bukata”. Inji Mal Ibrahim Khalil
Da yake baiwa yadda za’a fitar da zakkar da taliya kuskus da makaroni ko Indomie, malamin yace kamar taliya kuskus da makaroni za’ a iya bada leda dai-dai a matsayin kowanne mudannabi, ita kuma Indomie tunda karama ce za’a iya ba da manya guda biyu ga kowanne mutan guda.
