Gwamnatin Tarayyar Najeriya ta amince da biyan tallafin sufuri na Naira 70,000 duk wata ga ma’aikatan gwamnati a dukkan matakai, na tsawon watanni shida, daga watan Nuwamba 2026.
An cimma matsayar ne a wani taron sasanci tsakanin gwamnatin tarayya da shugabannin Ƙungiyar Ƙwadago ta Najeriya, NLC, da aka gudanar a Abuja ranar Talata, 27 ga Oktoba, 2026.
Read also: Yanzu-Yanzu :Ganduje ya Rushe Hukumar Remasab
Baya ga tallafin sufuri, gwamnati ta amince da biyan bashin wasu alawus-alawus na musamman da ya kamata ma’aikata su samu tun daga ranar 1 ga Mayu, 2026.
Za a biya kuɗaɗen ne kashi-kashi daga watan Nuwamba.
Read also: Tsohon Gwamnan Kaduna Ya Koma Jam’iyyar APC
Sai dai ɓangarorin biyu ba su cimma matsaya kan ranar fara aiwatar da sabon tsarin mafi ƙarancin albashi ba.
Sun amince da kafa kwamitin tattaunawa kan mafi ƙarancin albashi, wanda zai fara aiki nan take.
An cimma waɗannan matsaya ne bayan ƙorafe-ƙorafen ƙungiyoyin ƙwadago kan tsadar rayuwa, jin daɗin ma’aikata da kuma rashin cika wasu yarjejeniyoyin da aka riga aka cimma.
Read also: Shugaban jam’iyyar PDP na jihar Zamfara Ahmad Sani ya rasu bayan ya yanke jiki ya fadi
Takardar yarjejeniyar da aka rattaba wa hannu ta kuma ƙunshi batutuwan albashin ma’aikatan lafiya, rangwamen haraji da alawus-alawus na haɗari ga jami’an aikin gona.
Sai dai takardar ba ta bayyana takamaiman ranar da za a rika biyan tallafin sufuri a kowane wata ba, ko kuma cikakkun hanyoyin gudanar da biyan kuɗin.
