Hukumar tace fina-finai da Dab’i ta Jahar Kano ta dakatar da Sahma M Inuwa daga shiga harkar film na tsawon shekara daya, tare da kwace shedarta ta zama halartacciyar yar film.
A wata sanarwar da jami’in yada labaran Hukumar Abdullahi Sani Sulaiman ya aikawa manema labarai ya shaida cewa Hukumar ta sha al’washin kin kara tace duk wani film da Samha ta fito a ciki.
Hakan na kunshe ne cikin wata sanarwa da jama’in hulda da jama’a na Hukumar Abdullahi sani Sulaiman ya sanyawa hannu kuma aka rabawa manema labarai a Kano.
Wannan ya biyoya wasu korafe korafe da al’umma sukayi kan wani bidiyo da jarumar ta saki dake nuna shigar da bata dace da koyarwar addinin musulunci ba, baya ga samunta da yin kalaman da basu dace ba.
Ya zuwa yanzu dai Hukumar ta dakatar da Samha har tsawon shekara daya a wani mataki na tabbatar da bin dokokin Hukumar tare da kara tsaftace Masana’antar kannywood.
Idan za a iya tunawa kadaura24 ta rawaito cewa Hukumar ta ce tana daukar irin wadannan matakan ne domin tsaftace harkar fina-finan Kannywood
