Daga Khadija Abdullahi Aliyu
Majalisar dokokin jihar kano ta amince da dokar soke karin Masarautu guda 4 a jihar.
Idan za’a iya tunawa kadaura24 ta rawaito a Shekarar 2019 majalisar dokokin jihar kano ta amince da dokar kara masarautu guda 4 a jihar, Inda kuma gwamnan Kano na wancan lokacin Abdullahi Umar Ganduje ya sanya mata hannu kuma ta zama doka.
Majalisar dokokin jihar Kano ta zartar da dokar majalisar masarautu ta Kano 2024 bayan kammala karatu na uku.
Dokar ta soke kafa sabbin masarautu guda 4 a jihar.
Dokar ta ce duk ofisoshin da aka kafa a karkashin dokar da aka soke, sabuwar dokar ta rushe su an rushe su .
Haka kuma duk hakimai da aka daukaka ko aka nada a karkashin dokar da aka soke za su koma kan mukamansu na baya.
Shugaban masu rinjaye kuma memba mai wakiltar mazabar Dala, Lawan Hussaini Chediyar Yan Gurasa ne ya gabatar da kudirin gyaran sabuwar dokar a gaban zauren majalisar dokokin jihar Kano
