Daga Rahama Umar Kwaru
Hukumar tsaron farin kaya, ta SSS ta kama wasu ‘yan bindiga guda biyu a Kano dauke da bindigu kirar AK-47 guda 2 da kuma mazubin harsashi na AK-47 da babu komai a ciki.
A cikin wata sanarwa da mai magana da yawun hukumar ta SSS na ƙasa, Peter Afunanya ya fitar, ya ce wadanda aka kama din na shirin wucewa ne domin kai makaman inda su ka shirya kai hari a daya daga cikin Jihohin Arewacin Nijeriya.
Gawuna ya yi wa Musulmi Barka da Sallah, Ya Bukaci su yiwa kasa Addu’ar Zaman Lafiya
Ya ce rundunar ta kuma kwace babur kirar boxer da kuma buhun doya da su ka boye bindigun a ciki.
Abba Gida-gida ya Gargaɗi al’umma game da tukin ganganci, yayin bukukuwan Sallah
“Wannan ci gaban ya nuna bukatar al’umma su kasance cikin taka-tsan-tsan tare da kai rahoton duk wani motsi, mutane ko wani abu da ba a yarda da shi ba zuwa ga jami’an tsaro da ke kusa da su.
“An umurci masu gidajen shaƙatawa, baƙi da cibiyoyin yawon buɗe ido da su yi taka-tsan-tsan a lokacin bukukuwan Sallah. Kamata ya yi su kara daukar matakan tabbatar da tsaron wuraren su.
“Bayan haka, hukumar na yi wa Musulmi masu aminci da zaman lafiya murnar bukukuwan Eid al-Fitr. Hukumar mu ta yi alkawarin yin aiki tare da sauran hukumomin tsaro da sauran masu ruwa da tsaki don samar da isasshen tsaro a lokacin da kuma bayan Sallah,” in ji Mista Afunanya.
