Rukayya Abdullahi Maida
Gwamnatin jihar Kano ta kaddamar kwamitin karta-kwana domin bibiya tare da aiwatar da dokar hukumar gudanawar hukumar kula da kasuwar kantin kwari wacce majalisar dokokin jihar Kano ta yi.
Kadaura24 ta rawaito Da yake kaddamar da kwamitin, kwamishinan Kasuwanci cinika da masana’antu na jihar Kano Ibrahim Muktar ya ce an kaddamar da kwamitin ne domin kiyaye doka da gwamnatin jihar Kano ta yin a samar da hukumar kasuwar kantin kwari.
Ya ce anyi dokar karbar haraji da kuma aiwatar da wasu ayyuka da ma jagorancin kasuwar da nufin bunkasa harkokin kasuwanci.
Barista Ibrahim Mukar ya ce doka ce wani mutum ko wata kungiya ta rika karbar haraji a guraren yan kasuwa tare Kuma da rika bayyana wasu hanyoyi da za a bi wajen kasha kudaden.
Kwamishinan ya kuma bukaci yan kasuwa da su bawa kwamitin hadin kai domin samun nasara.
A jawabinsa Shugaban kwamitin kuma shugaban kasauwar kantin kwari Abba Muhammad Bello ya bada tabbacin za suyi duk mai yuwuwa domin sauke nauyin da ya rataya a wuyan su.
Abba Muhammad Bello yace Gwamnatin Jihar Kano ta yi dokokin Dan musgunawa yan Kasuwar ba,sai don a tsaftace harkokin Kasuwanci da Kuma Kara Dora Kasuwar akan tsarin doka da oga da kuma tafiya dai-dai da Zamani.
