Daga Zakaria Adam Jigirya
Tsohon Mai baiwa gwamnan Kano shawarawa kan harkokin siyasa Hon. Mustapha Hamza Buhari Bakwana ya bi sahun sauran ‘yan Najeriya da na sauran kasashen duniya wajen mika ta’aziyyarsa ga gwamnati da al’ummar jihar Kano bisa rasuwar Alhaji Aminu Alhassan Dantata, hamshakin attajirin kano wanda ya shahara a duniya.
Hakan na kunshe ne cikin wata sanarwa da Hon. Mustapha Hamza Bakwana ya sanyawa hannu da kansa kuma ya aikowa Kadaura24 .
Sanarwar ta ce ya na mika sakon ta’aziyyarsa ga gwamnan jihar Kano Alhaji Abba Kabir Yusuf, da Sarkin Kano na 16, Malam Muhammadu Sanusi II da ‘yan kasuwa da kuma iyalan marigayin.
Bakwana ya bayyana rasuwar Alhaji Dantata a matsayin babban rashi ga ‘yan kasuwar duniya, musamman na yankin Sahara.
Ya kara da cewa al’umma da dama sun amfana da arzikinsa ta hanyar ba su aiyukan yi a kamfanoninsa da kuma aiyukan jin Kai da ya rika gabatarwa a cikin al’umma.
An yi gangamin yaki da fadan daba, kwacen waya da shaye-shaye Unguwar Tudun wada
Bakwana ya ce “ba shakka za a rika tunawa da marigayi Dantata a matsayin daya daga cikin wadanda suka ba da gudunmawa sosai wajen ci gaban tattalin arzikin Nijeriya, musamman Kano, cibiyar harkokin Kasuwanci Arewacin Nijeriya.
Ya yi addu’ar Allah ya gafarta masa kurakuransa, ya saka masa da kyawawan ayyukansa da aljannah firdausi sannan ya bukaci ‘yan uwa da abokan arzikinsa da su yi hakuri da Wannan Babban rashin.
