Ɗan takarar majalisar wakilai a NNPP a Kano ya rasu

Ɗan takarar kujerar majalisar wakilai a karkashin jam’iyyar NNPP a mazaɓar Wudil da Garko a jihar Kano, Kamilu Ado Isa ya rasu.

Ya rasu ne a jiya Lahadi bayan fama da gajeriyar rashin lafiya.

Hakan na zuwa ne ƙasa da mako guda kafin babban zaɓen Najeriya na 2023.

Ado Isa ya kasance tsohon mataimakin kontrola-janar na hukumar tsaron farin kaya na Civil Defence.

NNPP dai na cikin manyan jam’iyyun siyasa da ake hasashen za su iya taka rawar gani a zaɓen da ke tafe.