Daga Abdulmajid Habib Isa Tukuntawa
Gidauniyar Hajiya Nafisa charitable foundation ta kaddamar da horar da yan mata da zawarawa sana’o’i har Guda 100 domin su dogara dakawunsu.
“An Samar da Shirin ne domin ganin an rage musu radadin halin babu da wasu daga cikin al’umma suke fama dashi a wannna lokaci”.
KADAURA24 ta rawaito da take bayani shugabar gidauniyar Hajiya Nafisa Sulaiman tace Gidauniyar ta Saba gudanar da irin wannan Aiki, kuma wannan shi ne karo na hudu da gidauniyar take horar da matan sana’o’i daban-daban.
Tace an kwashe kwanaki biyu ana bada horon don su fahimci aikin yadda ya kamata, Inda tace tana fatan Waɗanda suka ci gajiyar shirin zasu yi Amfani da damar ta hanyar data dace.
Maryam Aliyu da Nusaiba Sani na daga cikin Waɗanda aka koyawa sana’o’in sun Kuma bayyana farin cikinsu tare mika godiyarsu ga Hajiya Nafisa Foundation.
