Majalisar Koli ta Harkokin Shari’ar Musulci ta Kasa ta Nada Sabon Shugaba

Daga Aliyah M Sadeeq

Majalisar koli Mai kula da harkokin Shari’ar Musulci ta Kasa, ta nada Mataimakin Shugaban Majalisar na daya Sheikh Abdulrasheed Hadiyatullah a Matsayin Shugaban Majalisar bayan Rasuwar Shugabanta Dr. Ibrahim Datti Ahmad .

Kadaura24 ta rawaito Sakatare janar na Majalisar Nafu’u Baba Ahmad ne ya bayyana hakan Yayin taron Manema labarai a nan Kano.

Sakataren Majalisar yace an nada Shaikh Abdurrashid Hadiyatullah a Matsayin Sabon Shugaban Majalisar ne dogaro da kundin tsarin mulkin Majalisar Wanda ya ce Idan Shugaba ya rasu Mataimakinsa za’a nada domin ya cigaba da tafiyar da harkokin Majalisar.

Gabanin bayyana bayyana Sunan Sabon Shugaban Sai da Majalisar ta Mika ta’aziyyar ta ga iyalai da Yan uwan Dr. Ibrahim Datti Ahmad Wanda Allah ya yiwa Rasuwa makon da ya gabata tare da nema masa rahamar Ubangiji.

Sannna Nafi’u Baba Ahmad ya Yi fatan Allah ya rikawa Sabon Shugaban Majalisar tare da bada tabbacin ‘ya’yan Majalisar zasu bada goyon baya ga Sabon Shugaban Sheikh Abdulrasheed Hadiyatullah.