Daga Zara Jamil Isa
Hukumar kare haƙƙin mai saya da mai sayarwa ta jihar kano ta rufe wani kamfani mai suna C-PIN (CHEMICAL IND) dake unguwar dakata a ƙaramar hukumar Nasarawa bisa ƙin bin ƙa’idojin hukumar .
Shugaban hukumar Gen. Idris Bello Dambazau mai ritaya shi ne ya bayyana hakan cikin wata sanarwa da ya aikowa Kadaura24 a ranar latabar nan.
Gen. Idris Dambazau ya ce kamfani ya gaza cimma ƙa’idojin da suka gindaya musu domin ingata abubun da suke sarrafawa domin amfanin al’ummar jihar kano.
Yace dokar data kafa hukumar ce ta bata ƙarfin ikon rufewa ko daukar matakan da suka dace akan duk wani kamfamin ko dai-daikun yan kasuwa da suke sayarwa ko samar da kayan da zasu iya yin illa ga rayuwar al’ummar jihar kano.
Idan za’a iya tunawa hukumar tana aiki ba dare ba rana domin maganin bata gari da suke sayar da kayan da suka lalace ko marasa inganci ga al’ummar jihar nan.
