Search
Subscribe
Labaran Siyasa

Yari da Marafa sun ki amincewa da jagorancin Matawalle a APC zamfara

By: Yakubu

Date:

Tsohon gwamnan jihar Zamfara Abdulaziz Yari da tsohon dan majalisar dattawa Kabiru Marafa sun yi fatali da rahotannin da ke cewa Gwamna Mohammed Bello Matawalle ne jagoran jam’iyyar APC a jihar.

Sun bayyana haka ne a hirarsu da BBC Hausa jim kadan bayan sun gana da Gwamna Nasir Elrufai na jihar Kaduna ranar Laraba.

Kalaman nasu tamkar martani ne ga rahotannin da suka ambato shugaban riko na jam’iyyar ta APC, Maimala Buni, yana cewa Gwamna Matawalle shi ne jagoran APC a Zamfara bayan ya sauya sheka daga jam’iyyar PDP zuwa APC.

A wata sanarwa da gwamnatin jihar Zamfara ta fitar jim kaɗan bayan komawar Matawalle APC, ta ce ambato Mai Mala Buni yana cewa: “Daga yanzu Matawalle ne jagoran jam’iyyarmu mai girma a jihar Zamfara.

“Za ku saurari sauran shirye-shirye na samar da sabuwar jam’iyya daga wajensa nan gaba kaɗan,” in ji Buni.

A lokacin da yake karɓar tutar jam’iyyar, Gwamna Matawalle ya karɓi jagorancinta a yayin da ya ayyana kansa a matsayin mamba a cikinta.

Kazalika Gwamna Matawalle ya shiga jam’iyyar ne tare da dukkan sanatocin jihar da ke kan mulki a yanzu, da ƴan majalisar wakilan tarayya shida daga cikin bakwai da kuma dukkan ƴan majalisar dokokin jihar.

‘Ba za ta saɓu ba’

Sai dai Abdulaziz Yari da Kabiru Marafa – wadanda gwamnan ya tarar a cikin jam’iyyar ta APC – sun ce ba za su yarda a yi musu hawan ƙawara ba.

“Abu guda ne ba mu yarda da shi ba, inda shi Gwamna Maimala ya ce [Matawalle ne jagoran APC] domin babu shi a cikin tattaunawarmu wadda muka yi da gwamnoni guda shida.

Abin da muka amince shi ne a je a kaddamar da Bello a dawo. Abin da muka amince a matsayin abin da za mu bayar a jam’iyya da abin da za mu dauka a gwamnati. Amma da muka je an yi takaddama mun tarar da an yi tsari in ji wasu cewa idan an je a rusa jam’iyya. Ba a rusa jam’iyya domin babu wanda yake da ikon rusa ta,” in ji shi.

Shi ma Sanata Marafa ya ce nada Gwamna Matawalle a matsayin jagoran APC a Zamfara wata yaudara ce da ba za su amince da ita ba.

A cewarsa: “Mu rokonmu aka yi aka ce mu bari a yi abin da aka yi a Gusau. An dai yi biki ne kawai. Mu ne muka ce kafin a ce an zama daya sai an yi zaman [tattaunawa]. Amma wani ya zauna a Abuja ya ce ya rushe jam’iyya ya nada wani shugaba maganar banza da wofi ce.”

Masu lura da lamuran siyasar jihar ta Zamfara dai na ganin komawar Gwamna Matawalle jam’iyyar APC za ta ta’azzara rikicin da ke cikin jam’iyyar musamman ganin yadda suka dade suna kai ruwa rana da tsohon Gwamna Yari.

Da ma dai jam’iyyar ta APC ba ta dade da dinke barakar da ke tsakanin tsohon gwamnan Yari da kuma tsohon Sanata Marafa ba, wadda ta yi sanadin da ya sa Kotun Kolin Najeriya ta kwace kujerar gwamnan jihar da ma sauran kujerun da aka zaba a karkashin jam’iyyar APC aka bai wa jam’iyyar PDP

Previous article
Kwankwaso zai bar PDP ya koma APC
Next article
Gwamna Ganduje Yayi watsi da Ra’ayin Masu cewa Gwamnoni basa baiwa Noma kulawa
Yakubu
Yakubuhttp://kadaura24.com

181 COMMENTS

    • Amma shi Yari ya zai yi miara koma baya, bayan ya fito ya nuna goyon bayansa a gurin karbar gwamna Matawalle sannan kuma yanzu ya janye wannan maganar

  20. Український важковаговик Олександр Усик (18-0-0, 13 ko) зустрінеться в чемпіонському поєдинку за титули wbo, ibo, ibf із британцем Ентоні Джошуа (24-1-0, 22 КО).Поєдинок заплановано на 25 вересня на стадіоні Тоттенгем Готспур Арена в Энтони Джошуа Александр Усик Украинский боксер Александр Усик пожелал британцу Энтони Джошуа хорошего дня. Видео он опубликовал в Instagram

LEAVE A REPLY

Please enter your comment!
Please enter your name here

Share post:

Subscribe

Mafi Shahara

Karin Wasu Labaran
Related

Bayan shekaru 20, Kotun Ƙoli ta sanya ranar yanke hukunci kan rikicin masarautar Gwandu

Yakubu Yakubu -
Kotun Koli ta sanya ranar yanke hukunci kan daukaka...

Hukumar Shari’ah ta kaddamar da kwamatoci domin kawo sauye-sauye game da cigaban Shari’a a jihar Kano

Yakubu Yakubu -
  Hukumar Shari'ah ta jihar Kano karkashin jagorancin mukaddashin shugabanta...

Rundunar yansanda ta kasa ta aiko sabon kwamishina Kano

Yakubu Yakubu -
    Hukuamr Ƴansanda ta Najeriya ta amince da naɗi CP...

Yadda akai na bukaci Tinubu ya sauya sunan FCE Kano zuwa sunan Maitama sule

Yakubu Yakubu -
Daga Rahama Umar Kwaru   Mataimakin shugaban majalisar dattawan Nigeria Sanata...

About us

Kadaura24.com is one of Nigeria’s leading home-grown and independent online news platform. It provides you with the news you can trust in Hausa as it breaks around the country and beyond.

Quick Links

The latest

Bayan shekaru 20, Kotun Ƙoli ta sanya ranar yanke hukunci kan rikicin masarautar Gwandu

General News 0
Kotun Koli ta sanya ranar yanke hukunci kan daukaka...

Hukumar Shari’ah ta kaddamar da kwamatoci domin kawo sauye-sauye game da cigaban Shari’a a jihar Kano

General News 0
  Hukumar Shari'ah ta jihar Kano karkashin jagorancin mukaddashin shugabanta...

Rundunar yansanda ta kasa ta aiko sabon kwamishina Kano

General News 0
    Hukuamr Ƴansanda ta Najeriya ta amince da naɗi CP...

Subscribe

© 2025 Kadaura 24. All Rights Reserved.