Daga Maryam Muhammad Ibrahim
A kokarinta na tsaftace finafinan da ake yadawa a tsakanin al’umma, hukumar tace finafinai da Dab’i ta Jihar Kano ta dakatar da wani shiri Mai suna ‘Zarmalulu’ tare da gayyatar dukkannin wanda suka fito a cikinsa domin jin ba’asi biyo bayan zargin da akai mata kan mashirya shirin da bai dace ba da kuma yin amfani da Kalmar badala a matsayin sunan shirin.
Biyo bayan korafe-korafe da Hukumar ta karba daga wasu yan kishin Jihar Kano akan shirin, Shugaban Hukumar Abba El-mustapha ya bayyana damuwarsa akan alamurin tare da dakatar da film din haka kuma, Abba El-mustapha ya gayyaci dukkannin wanda suka fito a shirin domin jin ba’asi na yin amfani da ita kalmar.
Shirin mai suna “Zarmalulu” ana zarginsa da rashin ma’ana tare da kama da wani suna na badala a saboda da haka Hukumar ta dakatar da shi tare da kira ga dukkannin wanda suka fito a cikinsa dasu bayyana a gaban kwamatin da Hukumar ta kafa wanda kin yin hakan ka iya jawowa mutum fushin Hukumar.
Al’ummar unguwar Kan Tudu Sun yabawa Gwamnan Kano bisa Nada Waiya A Matsayin Kwamishina
Sanarwar wacce mai magana da yawun hukumar Abdullahi Sani ya aikewa Yan Jaridu, ta ce hukumar na da hurumin kan dakatar da dukkannin wani shiri da bata gamsu da yadda aka shirya shi ba tare da laddaftar da duk wani da ta samu da yin abinda bai kamata a cikin kowanne shiri da ake yadawa jama’a.
