Gaskiya da Amana: An yabawa Hukumomin alhazai na Kano da Katsina bisa mayar da kudaden Maniyata

Tawagar ‘Yan Jaridu masu zaman kansu da ke ba da rahotonnin aikin Hajji, Wato (IHR) ta yabawa Hukumar Kula da Jin Dadin Alhazai ta Jihohin Kano da Katsina bisa tsarin da suka yi don biyan kudaden aikin hajji ga maniyata aikin hajjin Shekara ta 2021.

Wannan yabon na kunshe ne cikin wata sanarwa da mai kula da ayyukan ta na kasa, Malam Ibrahim Muhammed, ya fitar a Abuja.

Kungiyar ta bayyana cewa tsari da Hukumomin alhazai na kano da Katsina suka yi abin a yaba ne musamman Saboda yadda sukanuna gaskiya da amana wajen biyan maniyyatan aikin Hajjin 2020/21.”

Idan za’a iya tunawa a baya masu aiko da rahotannin aikin Hajji sun nemi bayanai daga wasu jahohin da aka zaba don bayar da cikakkun bayanai game da kudaden aikin hajjin na 2020 da 2021 a matsayin wani bangare na kokarin fayyace gaskiya a harkokin gudanar da kudaden alhazai da kuma tallafawa manufar gwamnatin na yin komai a bude.

“Abin lura ne cewa Jihohin Katsina da Kano ba sa cikin rukunin farko na jihohin da aka aika wasikar FoI, amma duk da haka shugabannin kwamitocin biyu sun fitar da cikakkun bayanan yadda suka mayar da kudaden maniyata aikin Hajjin 2020 da2021 ga jama’a,” in ji shi. .

“Hukumar Jin dadin alhazai ta jihar Katsina ta yi amfani da hanyar tantancewa ta hanyar manna sunayen mahajjata da adadin kudaden da suka biya a kowane ofis na shiyya kafin aiwatar da biyan kudaden a mataki da yin komai a fayyace ba tare da an Sami almundahana ba, yayin da jihar Kano ta kafa kwamitin bibiyar yadda aka biya kudaden, Kwamitin wanda ya kunshi wakilan hukumomin tsaro, kafafen yada labarai da wakilan gwamnatin jihar.

“Abu na biyu, Babban Darakta na Jin dadin Alhazai na Jihar Katsina, Alhaji Suleiman Nuhu Kuki, ya ba da cikakkun bayanai game da kudaden da aka mayar wa jama’a ta hanyar gudanar da taron manema labarai.

IHR ta lura da cewa irin wannan manufar bayyana gaskiya da rikon amana za ta samar da dogaro da amincin da ake bukata a cikin aikin Hajji daga masu zuwa aikin hajji wadanda za su iya son mika kudadensu zuwa aikin Hajji na 2022.

Kungiyar ta yi farin ciki musamman tare da cikakkun bayanai na kudaden da Babban Daraktan Hukumar Alhazai ta jihar Katsina, Nuhu Kuki ya yi, inda ya lura cewa an gudanar da aikin mayar da kudaden cikin kashi uku.

Ya ce Nuhu Kuki ya ce hukumar ta mayar wa da maniyyata kudaden da yawansu ya kai N407,834,977 ga maniyata 331 a rukunin farko, inda aka saki Naira miliyan 176 ga alhazai 134 masu niyya a rukunin na biyu, yayin da aka biya jimillar Naira miliyan 77,330 ga alhazai 63 masu niyya. a kashi na uku.

Da yake karin bayani, babban magatakardar ya ce hukumar ta yi rijistar kimanin mahajjata 2,721 da za su yi aikin Hajjin 2020/2021, wanda daga cikin maniyyata 508 suka nemi a mayar da kudin, jimillar kusan miliyan 661.

“Har ila yau, Hukumar Alhazai ta jihar Kano ta fara biyan kudaden maniyata ba tare da bata Lokaci ba Bayan soke aikin Hajjin 2021, Shugaban Hukumar Alhaji Muhd Abba Danbatta lokaci -lokaci yasha ba da sabbin bayanai game da adadin mahajjatan da suka nemi a maida mu da kudaden su da adadin wadanda suka yarda a ajiye musu da Kuma jumullar kudaden da aka tar, to Irin wannan nuna gaskiya da amana yasa Muku ga ya cancanci yabo daga gare mu, ”in ji sanarwar