Majalisar Dattawa ta tabbatar da Christopher Musa a matsayin ministan tsaro

Majalisar dattawa ta tabbatar da Christopher Musa, wanda ya kasance babban hafsan tsaro na ƙasar a baya-bayan nan, a matsayin sabon ministan tsaro.

A ranar Laraba aka amince da nadin Musa bayan sanatoci sun tantance tarihin aikinsa na soja da kuma amsoshinsa game da muhimman batutuwan tsaro.

Musa ya tabbatar wa ‘yan majalisa da cewa zai yi wa Najeriya aiki da gaskiya da kwarewa idan an tabbatar da shi a matsayin minista.