Shugaba Bola Ahmed Tinubu ya mika sunan Janar Christopher Gwabin Musa ga majalisar dattawa domin tabbatar da shi a matsayin sabon Ministan Tsaro.
Wannan na zuwa ne bayan murabus din da tsohon ministan tsaro, Mohammed Badaru Abubakar, ya yi a ranar Litinin.
Rundunar ’Yan Sandan Kano ta fitar da sabbin dokoki ga masu babura da adaidaita sahu
Janar Musa, wanda ya taba jagorantar rundunar tsaro ta ƙasa daga 2023 zuwa Oktoba 2025, ya kasance gogaggen jami’in soja mai shekaru 58, kuma ya taba samun lambar yabo ta Colin Powell a 2012. An haife shi a Sokoto, inda ya yi karatunsa na firamare da na sakandare kafin ya shiga makarantar horar da sojoji ta NDA a 1986.
Hakan na kunshe ne cikin wata sanarwa da mai magana da yawun shugaban kasa Bayo Onanuga ya sanyawa Hannah.
A tsawon aikinsa, ya rike muhimman mukamai a rundunar sojin Najeriya, ciki har da zama kwamandan Sector 3 a hare-haren yaki da ta’addanci, da kuma jagorantar Operation Hadin Kai kafin daga baya ya zama Hafsan Tsaro a 2023.
A wasikar da ya aika wa majalisar dattawa, Shugaba Tinubu ya ce yana da cikakken tabbaci cewa Janar Musa zai karfafa tsarin tsaron ƙasar.
