Daga Isa Ahmad Getso
Sarkin Kano na 16 Muhammadu Sanusi II, ya ce sai da ya zama Sarkin Kano sannan ya san hakikanin talauci .
Sarki Sanusi ya bayyana haka yayin laccar da aka shirya gabanin bikin cikar tsohon gwamnan jihar Ribas, Rotimi Amaechi, shekaru 60 a Abuja, ranar Asabar.
Tsohon Gwamnan na CBN ya ce, “Da yawa daga cikin Manya a Najeriya ba su san mene ne talauci ba, a matsayina na masanin tattalin arziki, tsohon Gwamnan CBN, ina ganin adadin matalauta, Amma ban san hakikanin talaucin ba sai da na zama sarki.
Iftila:I: Gwamnatin Kano ta Aiyana Ranar Litinin a Matsayin Ranar Hutu
“Kuma ka je kauye ka ga ruwan da suke sha, da gidajen da suke rayuwa a ciki, da kuma irin ajujuwan da suke Karatu a ciki wadanda ko rufi ba su da shi”. Inji Sarki Sanusi.
Muna cikin matsalar da ya kamata mu gyara ta fa, saboda dukkanin mu Muna rayuwa a birane, su kuma talakawa sun rayuwa cikin mawuyacin hali da ya kamata mu Kai musu dauki don inganta rayuwarsu
