Daga Isa Ahmad Getso
Guda cikin masu taimakawa gwamnan jihar kano na musamman Abdulrahman Muhammad Sulaiman wanda aka fi sani da Mai-Kadama, ya ajiye mukaminsa tare da ficewa daga jam’iyyar NNPP.
Mai-Kadama ya fice daga jam’iyyar NNPP ne zuwa jam’iyyar APC.
Dan siyasar wanda shi ne SSA ga gwamnan kan harkokin sana’o’i, ya bayyana sauya shekarsa ne a ranar Laraba a Abuja, bayan wata ganawa da sanata Barau Jibrin, mataimakin shugaban majalisar dattawa.
Sace takardun Shari’a : Ganduje ya yiwa gwamnatin Kano martani
Mai-Kadama ya rike mukamai da dama kafin ya sauya sheka, ciki har da jagorantar tafiyar Kwankwasiyya a jihar Filato.
Hakazalika, ya kasance shugaban kungiyar G-6 a jihar Kano.
A wani sako da ya wallafa a Facebook, Barau Jibrin ya ce Mai-Kadama ya koma jam’iyyar APC ne domin samun shugabanci nagari da kuma habaka ci gaba.
Sanarwar ta kara da cewa, ” jam’iyyar APC ta sami karuwa domin wani babban jigon jam’iyyar NNPP, da kuma tafiyar Kwankwasiyya, Abdulrahman Mai Kadama wankwasiyya ya koma jam’iyyarmu,” in ji sanarwar.
An ƙayyade kuɗin fom din tsayawa takara a zaɓen ƙananan hukumomin Kano
“Yau na karɓi bakuncin Mai Kadama Kwankwasiyya a gidana da ke Abuja, inda ya jefar da jar hula ya koma babbar jam’iyyar siyasa a Afirka, APC.
“Da ya sauya shekar zuwa jam’iyyar APC ya bayyana cewa shi ne Mai Kadama Maliya. Dan siyasar ya kuma bayyana yin murabus daga mukaminsa na babban mataimaki na musamman ga gwamnan jihar Kano kan harkokin sana’o’i II.
