Daga Rahama Umar Kwaru
Wani fursuna da aka yankewa hukuncin daurin Rai da Rai a gidan yari a Awka dake jihar Anambra, Jude Onwuzulike, ya samu kammala digirinsa na biyu a Jami’ar Jami’ar Karatu daga gida ta Najeriya (NOUN).
An ba shi satifiket a ranar Juma’a bayan an tabbatar da ya cewa ya koyi abun da aka koya masa da kuma da’a .
Fursunan ya kammala karatunsa na digirin farko a fannin Ilimi.
Ilimi Dole: cheche-ku ce ta kaure tsakanin tsoho da sabon kwamishinan Ilimi a Kano
Da yake jawabi, Onwuzulike, wanda ke cike da farin ciki, ya gode wa jami’ar NOUN wadda ta basu damar yin karatu duk da suna daure .
Daily trust ta rawaito fursunan ya kuma yabawa uwargidan sa (Matarsa) akan duk irin goyon bayan da take bayarwa.
“Lokacin da na zo nan, ban san akwai irin wannan damar ba. Ina tsammanin a ƙasashen da suka ci gaba ne kawai ake samun irin wannan damar. Na shigo nan da satifiket kawai, amma yanzu ina da guda uku, kuma a shirye nake in samu wani kafin in tafi.
“Ga ’yan uwana fursunoni, ina so ku dauki wannan daurin da akai muku a matsayin wani tsani. Ku yi Lokaci yi rajista, za ku iya ci gaba da karatun ku ko da an sallame ku, tabbas idan kuka yi haka ba za ku taɓa yin nadama ba, ”in ji shi.
Da take jawabi yayin gabatar da takardar shedar kammala karatun, Darakta NOUN, Cibiyar Nazarin Awka, Dokta Scholastica Ezeribe, ta bayyana jin dadinta yadda fursunonin ke sha’awar ilimi.
