Daga Khadija Abdullahi Aliyu
Hukumar karɓar korafe-korafe da hana cin hanci da rashawa ta jihar kano karkashin jagorancin Barr. Muhuyi Magaji Rimin Gado ta kwato wasu motocin kwashe shara guda goma 12, mallakin gwamnatin jiha.
Idan za’a iya tunawa kadaura24 ta bayan mayar da Muhuyi Magaji kan mukaminsa yasha alwashin zai yi aiki ba sani ba sabo wajen ganin an kwatowa Mai hakki hakinsa.
Motocin wadanda yanzu haka suna cikin hukumar karɓar korafe-korafe da hana cin hanci da rashawa ta jihar kano , kuma mallakin na ga hukumar kwashe shara ta jihar kano.
Hotuna:: Yadda Sarkin Kano ya fita hawan Dorayi
Yayin da ya ziyarci hukumar domin ganewa idanunsa motocin da aka kwato, kwamishinan harkokin Sufuri da gida na jihar kano, Engr. Muhammad Diggwal yace motocin an rasa su ne tun a gwamnatin data gabata, wanda hakan tasa gwamnan kano Abba Kabir Yusuf ya bada umarnin nemo su duk Inda suke.
” Yanzu haka wadannan motocin ga su wanann hukumar ta kwato su daya bayan daya, Kuma naga wasun su ma an fara sauya musu fasali kuma cikin su har da katafila guda daya, Babu shakka wannan Abu da akai an yi abun daya dace koma zamu tabbatar al’ummar jihar kano sun cigaba da morarsu”. Inji Diggwal
Engr. Muhammad Diggwal yace zasu jira hukumar ta kammala bincike akan yadda aka motocin suka bace, ya yake da alhakin batan nasu, sanann sai hukumar ta ɗauki matakin da ya dace akan Wanda aka samu da laifi, Kuma a basu motocin don su cigaba da amfanar al’ummar jihar kano.
