Kwana hudu tana girki: Yar Najeriya na kokarin kafa tarihin girki a duniya

Daga Maryam Abubakar Tukur

Wata gwamnar girki a Najeriya, mai suna Hilda Effiong Bassey, da aka fi sani da Hilda Baci ta kafa tarihin girki a duniya, bayan shafe tsawon sa’o’i 87 da mintuna 50 tana girke a tsaye.

Hilda mai shekara 27, ta shafe wuni hudu tana girke domin kafa tarihin zarta Lata Tondon ta Indiya da ta shiga kundin tarihin bajinta na Guinness World Record.

Lata a shekara ta 2019 ta shiga kundin Guinness bayan shafe sa’o’i 87 da minti 45 tana girki a tsakiyar Indiya.

Akwai fargabar karatun daliban da dama a Jami’ar Yusuf Maitama Sule ya Sami tasgaro – Shugabar Dalibai

Bajintar da Hilda ta nuna a yanzu ya zarta na Lata, sai dai a hukumance ba a sanar da shigar da ita kundin Guinness ba.

Burin Hilda na kafa tarihi ya samu goyon-baya da yabo a shafukan sada zumunta.

An yi ta wallafata da nuna girkin nata kai-tsaye a shafukan sada zumunta, wanda milyoyi musamman a Instagram suka kalla.

An gudanar da gasar girkin ne a birnin Legas.