Inganta Ilimi: Sarkin Kano ya hori daliban makarantu su rika tallafawa makarantunsu

Daga Khadija Abdullahi Aliyu

Mai Martaba Sarkin Kano Alhaji Aminu Ado Bayero ya nuna gamsuwarsa bisa gudumawar da tsofafin daliban Makarantar Firamaren ta Shahuchi suke bayarwa a fannin ilimi a makarantar.

Mai Martaba Sarkin ya bayyana haka ne lokacin da ya ziyarci makarantar domin duba wasu aiyuka da kungiyar tsofaffin dalibai sukayi na gyara wasu ajujuwa.

Alhaji Aminu Ado Bayero ya ce mutukar tsofaffin dalibai za su rika taimakawa makarantun su hakan zai taimakawa gwamnati wajen ciyar da ilimi gaba a jihar nan dama kasa baki daya.

Cikin sanarwar da sakataren yada labaran Masarautar kano Abubakar Balarabe Kofar Na’isa ya aikowa kadaura24,yace Alhaji Aminu Ado Bayero ya yabawa General Ibrahim Sani Mai ritaya sabo da gudumawar da yake bawa makarantar firamaren ta shahuchi.

Tattakin APC ya tabbatar Tinubu zai Sami kuri’a Miliyan 2 a Kano – Musa Iliyasu Kwankwaso

A nasa jawabin General Ibrahim Sani ya ce mutukar ya zama gwamnan jihar Kano a zabe shekarar 2023 zai bawa harkokin ilimi fifiko.

Shikuwa da yake nasa jawabin shugaban Makarantar Alhaji Umar Danbaba ya ce makarantar tana kira da gwamnatin data samar musu da jami’an tsaro da yawan malamai da dai sauran kayan aiki na zamani.