Daga Rukayya Abdullahi Maida
Ma’aikatar Ilimi ta jihar Kano ta umarci hukumar gudanarwa ta makarantar Kano Capital data janye sabon karin kudin makaranta data yi.
Babbar sakatariya a ma’aikatar Hajiya Lauratu Ado Diso ce ta bayar da wannan umarni yayin da take kaddamar da kwamitin da zai yi nazari kan rahotannin makarantar na baya da aka gabatarwa ma’aikatar domin aiwatarwa.
Hakan na kunshe ne cikin wata sanarwa da Daraktan wayar da kai na ma’aikatar Ilimi Aliyu Yusuf ya sanyawa hannu kuma aka aikowa kadaura24 a ranar juma’a.
Babbar sakatariyar ta tabbatarwa iyayen Daliban da abun ya shafa cewar ma’aikatar zata tabbatar komin an dorashi kan gurbinsa, ta hanyar amfani da ka’idoji da kuma doka, inda ta bukace su dasu kwantar da hankalinsu sannan kuma su kasance masu bin doka.
Ta kara da cewa an kafa kwamitin ne domin yin nazari kan rahotanni baya na makarantar da aka gabatar masu game da wasu matsaloli da aka gano a makarantar domin aiwatarwa.
