Daga Rahama Umar Kwaru
Gwamnatin jihar Kano ta ayyana ranar Litinin, 1 ga watan Agusta, 2022 a matsayin ranar da hutu ga ma’aikata don murnar shigowaa sabuwar shekarar Musulunci ta 1445.
Gwamna Abdullahi Umar Ganduje, a wata sanarwa mai dauke da sa hannun kwamishinan yada labarai, Malam Muhammad Garba, ya taya daukacin al’ummar musulmin jihar murna Wannan lokaci tare da bukaci kowa da ya yiwa kansa hisabi .
Ya kuma yi kira gare su da su yi amfani da wannan lokaci wajen neman gafarar Allah, da kuma yin addu’ar Allah ya kawo was al’umma dauki ya kuma warware matsalolin tsaro da suke addabi kasar nan da sauran matsaloli da dama.
Gwamnan ya tabbatar wa al’ummar jihar kano cewa a shirye gwamnatinsa ta ke ta ci gaba da cika alkawarin da ta dauka na inganta rayuwarsu ta hanyar aiwatar da shirye-shirye da ayyuka da suka shafi jama’a.
Sanarwar ta kuma bukaci wadanda har yanzu ba su karbi katin zaben su ba da su hanzarta zuwa su karba domin samun damar yin amfani da katin zabe a babban zabe mai zuwa wajen kada Kuri’a.
Ranar asabar Mai zuwa ita ce ranar 1 ga watan al-muharram na sabuwar shekarar Musulunci, wanda kuma yayi dai-dai da 30 ga Yuli, 2022.
