Daga Aisha Abubakar Mai Agogo
Fadar shugaban kasa ta ce za a rika yiwa duk Wani bako da zai shiga fadar shugaban kasa da ke Abuja gwajin Covid-19 kafin a ba shi izinin shiga.
Kadaura24 ta rawaito Garba Shehu, mai magana da yawun shugaban kasar ne ya tabbatar da hakan ga manema labarai a Abuja ranar Lahadi.
Yace an tanadi kayan gwaje-gwajen COVID-19 cikin sauri Waɗanda zasu bayyana Sakamakon cikin ‘yan mintuna kaɗan a gani ko Mutum yana dauke da cutar ko bashi da ita.
A cewar mai magana da yawun Shugaban Kasar, sabuwar dokar ta zama dole saboda karuwar adadin masu cutar COVID-19 musamman nau’in Omicron a duniya.
Daily News 24b ta rawaito Shehu ya ce duk wani bako, in ban da wasu shugabanni, sai an yi masa gwajin Covid-19 a Kofa kafin a barshi ya shiga Villa.
“Eh, an sanya sabon tsarin dokar gwajin COVID-19 ne ga duk masu ziyara a Villa,amm ba don gwamnoni kadai ba,” in ji Shehu.
“Kowane mai ziyara a Villa, ba kawai wadanda ke ganin shugaban kasa ba, yanzu ana bukatar yin gwajin gaggawa a kofar gidan kafin a shiga don gudun yada cutar a Gidan.
